Уваравіцкі льнозавод заснаваны ў ліпені 1932 года. У 2000 годзе быў перайменаваны ў камунальнае вытворчае унітарнае прадпрыемства, у 2003 годзе ў працэсе рэфармавання пераўтвораны ў філіял ААТ "Гомельлен" «Уваравіцкі льнозавод». Спецыялізуецца на вырошчванні і першаснай перапрацоўцы ільнотрасты, вытворчасці льносемян. Даўгунец вырошчваецца на плошчы 1200-1500 гектараў. Магутнасці прадпрыемства дазваляюць перапрацоўваць 3,4 - 4 тысячы тон ільнотрасты за год. Выпускаецца і рэалізуецца доўгае і кароткае льновалакно. У цяперашні час больш за палову прадукцыі льнозавода выпускаецца ў выглядзе кароткага валакна і кудзелі. Пабочным прадуктам трапання лёну з'яўляецца пакулле. Цалкам выкарыстоўваюцца і адходы вытворчасці - кастра. Агульная колькасць працуючых на заводзе складае 115 чалавек .
У цяперашні час завод узначальвае Гарусаў Аляксандр Паўлавіч
тэл.+375-29-643-42-15